தமுமுக தவறு செய்ததா? விளக்கம்:

தமுமுக தவறு செய்ததா?

தமிழ் முஸ்லிம் மன்றம் என்ற வலைப்பதிவில் தவறுக்கு மேல் தவறு செய்யும் தமுமுக என்ற தலைப்பில் வெளியான ஒரு சகோதரரரின் சந்தேகங்களுக்கான மறுமொழி.

1) தமுமுக மட்டும் லீக் கட்சிகளை லட்டர் பேடு இயக்கங்களாக சொல்லியதில்லை. இன்று தோழோடு தோழ் இணைந்து முதலமைச்சரைச் சந்திக்கச் சென்ற ததஜவின் தலைவரும் தான் சொல்லி இருக்கிறார்.
அடுத்ததாக, முஸ்லிம் லீக்கை விமர்சித்த தாவூது மியான் கான் பேட்டியை மக்கள் உரிமையில் வெளியிட்டபோதும் தமுமுக சுனாமி கணக்கு காட்டிய நிகழ்ச்சியில் அவர் முன்னிவை வகித்தது சமுதாய பிரமுகர் என்ற அடிப்படையில் தானே அல்லாமல் வேறல்ல.

2) இதற்கு முன் தமுமுக பொதுவான காரியங்களில் முன்னிலை வகித்தது என்பது கோவை கலவரம், சுனாமி போன்ற இன்னபிற பிரச்சனைகளை கூர்ந்து கவனித்து வருபவர்களுக்கு நன்றாகவே தெரியும். தற்பொழுது சர்ச்சைக்குரிய மௌலவி பிஜே பிற அமைப்புகளோடு இணைந்து சென்று முதலமைச்சரை சந்தித்ததாக தாங்கள் எழுதி இருப்பது தவறான விஷயம். இதே மௌலவி முதலமைச்சரை சந்தித்ததன் பின் வெளியிட்ட சிடியைப் பார்த்தால் நீங்கள் விளங்கிக் கொள்ளலாம். அதில் இந்த மௌலவி தான் மற்ற அமைப்புகளை (பிரமுகர்களை?) இழுத்துக் கொண்டு சென்று முதலமைச்சரை சந்தித்ததாக குறிப்பிடுகிறார். தன்மானமிக்க தமுமுக இப்படி மற்ற எந்த ஒரு தனி நபரின் இழுத்த இழுப்பிற்கெல்லாம் செல்லாது.

3) தனி இட ஒதுக்கீடு கொள்கை தமுமுக துவங்குவதற்கு முன்பே லீக் மாநாடுகளில் தீர்மானம் நிறைவேற்றபட்டுள்ளதாக குறிப்பிட்டு உள்ளீர்கள். நாம் அறிந்த வரை அப்படி ஒரு கோரிக்கையே நமது சமுதாயத் தலைவர்களால் முன்னிறுத்தப்பட்ட தில்லை. துவங்கப்பட்ட நாளில் இருந்து இன்று வரை இட ஒதுக்கீடு குறித்த விழிப்புணர்வை சமுதாய மக்களிடமும் தனிஇட ஒதுக்கீட்டின் தேவையை பிற அரசியல் தலைவர்கள் மத்தியிலும் உருவாக்க அரும்பாடு பட்ட அதில் ஒரு சிறிய முன்னேற்றத்தை இப்பொழுது கண்டுள்ள நிலையில் தனிப்பெருமை தேடுவதில் என்ன தவறு?

4) பாளையங்கோட்டை தொகுதியை தமுமுக தனக்காக கேட்கவில்லை, இன்றளவும் பலுலுல் இலாஹி முஸ்லிம் லீக் உறுப்பினராகத்தான் இருக்கிறார். இப்பொழுதும் பாளையங்கோட்டை தொகுதியில் ஐக்கிய முற்போக்கு கூட்டணி (திமுக) சார்பில் அங்கு போட்டியிடப் போவது ஒரு முஸ்லிம் வேட்பாளர் தான். வாணியம் பாடி தொகுதியில் ஜெயலலிதா வெற்றி பெறச் செய்த வடிவேலு போல ஒரு முஸ்லிம் அல்லாதவர் அல்ல.
இதில் தமுமுக எந்தவகையில் சமுதாயத்திற்கு துரோகம் செய்தது.

5) இந்த கேள்வியே உங்களின் தனிப்பட்ட விருப்பு வெறுப்பின் பால் பட்டது. தமுமுக பலுலுல் இலாஹியை வெற்றிபெறும் சாத்தியக்கூறு அதிகமுள்ள வேட்பாளராகத்தான் கருதியதே அல்லாமல் வேறல்ல.

7) சமாதானக்குழுவின் அமைப்புகள் இது விஷயத்தில் தமுமுகவோடு நடந்து கொண்ட விதத்தை தெளிவு படுத்துவதற்காகவே அல்லாமல் அந்த விமர்சனங்கள் வெளியிடப்படவில்லை, தவிர அதே கருத்துக்ளோடு நாம் அவர்களுடன் பகைமை பாராட்டவும் இல்லை.

அன்புடன்

இறையடியான் 03.04.2006