தவ்ஹீத் வியாபாரி பிஜேயின் புதிய பரிணாமம்

பிஸ்மில்லா ஹிர்ரஹ்மா னிர்ரஹீம்

தமிழ்நாடு தறுதலை ஜமாஅத் தலைவர் கிரிமினல் பிஜேவை அவரது முன்னாள் சகா அபூஅப்துல்லாஹ் அவர்கள், 'தவ்ஹீத் வியாபாரி' என செல்லமாக அழைப்பதுண்டு.

அந்த தவ்ஹீத் வியாபாரி பிஜே தனது சொந்த கருத்துக்களை, யூத கிருத்துவ இஸ்ராயிலியாத்துகளை இடைச் செருகல் செய்து வெளியிட்ட தர்ஜமாவின் இலட்சணத்திலிருந்து அவரது இலட்சியம், இலட்சக்கணக்கான பொருளாதாரம் மட்டுமே, அல்லாமல் தவ்ஹீத் கொள்கை எல்லாம் ஒன்றும் கிடையாது என பலர் புரிந்து கொண்டனர்.

அடுத்த அவதாரமாக, தேர்தலை முன்னிட்டு பக்கா அரசியல்வாதியாக மாறி, தேர்தல் விளம்பரங்கள், தேர்தல் கால கூட்டங்களுக்கான சுவரொட்டிகள் துண்டு பிரசுரங்கள் இத்யாதி இத்யாதி என தனது பினாமி மைத்துனன் பெயரில் துடிப்பான வியாபாரத்தை மேற்கொண்டார்.

எதிர்வரும் ஆங்கில வருடப்பிறப்பை முன்னிட்டு, மற்றுமொரு தொழிலைத் துவங்கியுள்ளார் தவ்ஹீத் வியாபாரி பிஜே.

இலாப நோக்கோடு செய்யப்படும் எந்த காரியத்தையும், தனக்கு சம்பந்தமில்லாமல் காட்டிக் கொள்வதில் சமத்தானவர். அதேபோல் ஏதேனும் சிக்கல் வந்தாலும் அதிலும் சுற்றி இருப்பவர்களை சிக்க வைத்து தான் மட்டும் தப்பித்துக் கொள்ளும் சதிகாரர். தன்னுடைய சுய இலாபத்திற்காக, தன்னை ஏற்றுக் கொண்டவர்களின் உழைப்பை உறிஞ்சி கொழுக்கும் உளுத்தர்.

தற்சமயம் சன் காலண்டர் என்ற பெயரில் காலண்டர் கேக்குகள் விற்பனை செய்யப்படுவதாக களவாடிய உணர்வு பத்திரிக்கையில் விளம்பரம் செய்துள்ளார். அதில் ததஜ மௌலவிகளால் சரிபார்க்கப்பட்டது என்ற குறிப்பு வேறு.

ததஜ மௌலவிகள் 'சரிபார்த்த' குர்ஆன் தர்ஜமாவின் இலட்சணமும், ஜகாத் ஓர் ஆய்வு - தொகுப்பின் இலட்சணமும் சிரிப்பாய் சிரித்து சீரழிந்து கொண்டிருக்கும் நிலையில், சன் காலண்டரில் மட்டும் என்ன முறையாகவா இருக்கும். என்றாலும், இதில் உள்ள குறைகளை எவரும் பட்டியலிடும் முன் 2007 ஐயே கடந்து விடலாம். மொத்தமாக ஒரு தொகையை சுருட்டி விடலாம் என எண்ணுகிறார் போலும்.

அதுவும் சரிதான். எதிர் கேள்வி கேட்காமல், எதைக் கொடுத்தாலும் சுமந்து திரியும் கூட்டம் கிடைத்திருக்கும் போது தவ்ஹீத் வியாபாரி இன்னும் எத்தனை அவதாரம் வேண்டுமானாலும் எடுப்பார்.

இஸ்லாமிய சிந்தனையோடு எதிர்கேள்வி கேட்கும் தரமான தவ்ஹீத்வாதிகள் தமுமுகவிலேயே தங்கி விட்ட காரணத்தால், இடிப்பார் இல்லாத ஏமரா மன்னனாய் தறி கெட்டு அலையும் தவ்ஹீத் வியாபாரி பிஜே திருந்துவதற்கும், சமுதாய சொந்தங்களிடம் சுருட்டிக் கொண்ட டிரஸ்ட்டையும் சொத்துக்களையும் திரும்ப ஒப்படைப்பதற்கும் இறைவன் அருள் புரிவானாக.

இப்னு கவ்ஸ் 31.10.2006

உணர்வில் வெளியிட இயலாத நாடும் நடப்பும் -7

பிஸ்மில்லா ஹிர்ரஹ்மா னிர்ரஹீம்

அஸ்ஸலாமு அலைக்கும் (வரஹ்)

வ அலைக்கு முஸ்ஸலாம். அடடே உமர் பாயா.. .. .. வாங்க வாங்க. ஈத் முபாரக். எங்கே பெருநாளைக்கி ஊருக்குப் போயிட்டீங்களோ.

ஆமா அஹமது. உங்களுக்கும் பெருநாள் வாழ்த்துக்கள்.

அதுசரி.. .. நீங்களும் உங்க ஸைட்டை மூடிட்டு போனமாதிரி ஓடிப்போயிட்டீங்களோன்னு நெனச்சேன்.

எது.. .. வெளிச்சம் ப்ளாக்ஸ்பாட்ட சொல்றீங்களோ.

ஆமா .. .. அதத்தான். இருட்டுக்குப் பெயர் வெளிச்சம்னு தமுமுக காரன் கிண்டல் பண்றான்.

அவன் அப்படித்தான் செய்வான் அஹமது. அதுக்காக நாம பேர் வைக்கும் போது கோட்டை வுட்டுடக் கூடாதில்ல. தவ்ஹீதுன்னு பேரு வைச்சோம். அப்புறம் நாம அடிக்கிற ஜால்ராவப் பாத்து தமுமுக காரன் அது தவ்ஹீத் இல்ல தக்லீதுன்னான். அதுக்காக நாம வெக்கப்பட்டமா. அது மாதிரி தான் இதுவும். வெளிச்சம்னு பேரு தான். ஆனா மூடியே இருக்குறதுனாலயும் அதுல சொல்லப்படற விஷயத்துனாலேயும் அது இருட்டு தான். இதுக்கெல்லாம் நாம அசரக் கூடாது ஆமா.. ..

அதுவுஞ்சரிதான்.. .. ஏங்க உமரு.. .. நம்ம பத்திரிக்கய ஏன் நெட்டுல அப்டேட்டே பண்ணலன்னு போன தடவ கேட்டேனே.

ஆமா. விசாரிச்சேன். கிட்டத்தட்ட நாம பேசிக்கிட்டது மாதிரி தானாம். உணர்வு விற்பனை ரொம்பவே கொறஞ்சுட்டதுனால சந்தாவுல சலுகைலாம் குடுத்துப் பார்த்தும் ஒண்ணும் பலிக்கல. அதுதான் ஸைட்ட அப்டேட் பண்ணாம வுட்டாலாச்சும் எதாவது சேல்ஸ் கூடுமான்னு பாக்குறாங்க.

எப்டிங்க கூடும். வரவர உணர்வுல சமுதாய செய்தின்னு அதிகமான செய்தியே வர்றதில்ல. சும்ம அங்க கூட்டம், இங்க விழான்னு படம் போட்டு பிலிம் தான காட்றோம்.

அதுசரி நம்ம படத்த நாம போடாம வேற தினமலரா போடுவான்.

கரெக்ட். ஆனா, சமுதாயத்த பாதிச்ச கமல் ரசிகர்கள் ஒட்டின போஸ்ட்டரப்பத்தின செய்தியும் இல்ல. ஈராக் மாதிரியான சமகால செய்திகளும் இல்ல. எதாவது ஒரு ஊர்ல தமுமுக காரன் என்ன செஞ்சான்னு தானே எழுதுறாங்க. பத்தாததுக்கு வாசகர் பட்டறைன்னு 2 பக்கத்துக்கு அரச்ச மாவயே அரக்கிறாங்க. அப்புறம் எப்புடி பத்திரிக்கை விக்கும்.

சரிசரி கவலப்படாதீங்க. அலாவுதீன் தாக்கப்பட்டார்னு சும்மா பொளந்து கட்டி களத்தொகுப்பு எழுதுனா மாதிரி எதாவது கெடைக்காமயா போயிறும். அப்ப பாத்துக்கலாம்.

இனிமே என்னத்த எளுதப் போறீங்க. அதான் கோபார் ரயீசுதீன் புடிச்சு வாங்கு வாங்குனு வாங்குறாரே.

ஆமாங்க அஹமது. அதுதான் எனக்கு கவலயா இருக்கு. இந்த ஆளு நம்ம துபாய் பார்ட்டி மாதிரி கூட இல்ல. அவர விட டேஞ்சரா இருக்காரு. ஏதோ பாக்கரப் பத்தி, கோவை ஜாபரைப் பத்தி தானே எழுதுறாருன்னு பாத்தா இப்போ அடி மடியிலேயே கைய வைக்கிறா மாதிரி அண்ணனை புடிச்சுட்டாரு.

அப்ப அவரு எளுதியிருக்குறதெல்லாம் நெசம் தானா. அண்ணன் தான் இப்புடி பொய்யான பேர்ல கள்ளத்தனமா எளுதி கள்ள வெப்சைட் நடத்தச் சொன்னாரா.

என்ன அஹமது தெரியாத மாதிரி கேக்குறீங்க. ஒவ்வொரு பெயர்லயும் எழுதி மாட்டிக்கிட்டதுனால தானே புதுப்புது பேர்ல எழுதினோம். ஆனா இப்போ அண்ணன் கடிதத்தையே போட்ட பின்னால் எவன் எளுத முன்னுக்கு வருவான், சொல்லுங்க.

அப்டீன்னா ஆட்டம் க்ளோஸா. அதான் வெளிச்சம் ஒரு மாசமா இருட்டாயிருச்சு. டிஎன்டிஜே டாட் நெட் ம் ஆடிக்கும் அம்மாவாசக்குமா அப்டேட் ஆகுது.

என்னத்த செய்யுறது. பார்ப்போம். எப்படியாவது முயற்சி பண்ணி வேற எதுலயாவது தமுமுக காரன இளுத்து விட்டு ரகள பண்ணுனாத்தான் முடியும்.

சரி சரி அப்ப நான் கௌம்புறேன். அடுத்த முறை சந்திக்கும் போதாவது ஏதாவது உருப்படியா செய்ய முடியுமான்னு யோசிப்போம்.

முல்லா 29.10.2006

சந்தி சிரிக்கும் ததஜவின் ஷரீஅத் தீர்ப்பாயம்

பிஸ்மில்லா ஹிர்ரஹ்மா னிர்ரஹீம்

அஸ்ஸலாமு அலைக்கும் (வரஹ்)

முஸ்லிம்கள் தங்களுக்குள் ஏற்படும் பிரச்சனைகள், அல்லது தங்களுக்குத் தோன்றும் சந்தேகங்கள் ஆகியவற்றை முறையிட்டு, மார்க்க அடிப்படையில் வழிகாட்டுதல்களைப் பெற ஷரீஅத் மன்றங்களை நாடுவர்.

அத்தகைய பல ஷரீஅத் மன்றங்கள் இந்தியாவில் உள்ளன.

அவற்றில் சில சமயங்களில் வழங்கப்படும் ஃபத்வாக்களினால் பல சர்ச்சைகள் உருவாகி உள்ளன. ஏனெனில் மார்க்கம் என்ற பெயரில் தனது மனோ இச்சைக் கேற்ப எவராவது தீர்ப்பு வழங்கி இஸ்லாமிய மார்க்கத்தை திசை திருப்பி விட்டு விட அனுமதிக்க முடியாது. இவ்வாறான எதிர்ப்புகளினால் தான் இஸ்லாம் களங்கப்படுத்தப்பட முடியாமல் பாதுகாக்கப்பட்டு வருகின்றது.

பொதுவாக மற்றவர்களின் கருத்துக்களை எல்லாம், காது மூக்கு வைத்து களங்கம் கற்பிக்கும் தமிழ்நாடு தறுதலை ஜமாஅத் தலைவர் கிரிமினல் பிஜே அவர்கள், தனது அமைப்பு சார்பாக நடத்தி வரும் ஷரீஅத் தீர்ப்பாயம் வழங்கிய தீர்ப்பு (ஃபத்வா) ததஜவினரை மட்டுமல்லாமல் அனைத்து முஸ்லிம்களையும் தலைகுனிய வைத்து விட்டது.

தாங்கள் தான் வடிகட்டிய தவ்ஹீத்வாதிகள் என பொருந்தா அடைமொழி இட்டுக் கொண்டு, வடிகட்டிய முட்டாள்களை சீடர்களாகக் கொண்டு செயல்படுவதால், கிரிமினல் பிஜே தானும் வழிகெட்டு, தன்னை நம்பிய அப்பாவிகளையும் வழிகெடுத்துக் கொண்டுள்ளார் என்பதற்கு அவரே கையொப்பமிட்ட ஷரீஅத் தீர்ப்பாய ஃபத்வா மிகச் சிறந்த உதாரணமாகும்.

ஈமெயில் மூலம் நமக்கு கிடைத்த சரித்திர முக்கியத்துவம்? வாய்ந்த அந்த ஃபத்வா, இதோ!

http://muthupettai.googlepages.com/theerppayam.jpg

'தலைமையின் மீதும் நமது தாயிகள் மீதும் தொடர்ந்து பரப்பப்பட்டு வரும் அவதூறுகளுக்கும், வதந்திகளுக்கும் தக்க பதிலடி கொடுப்பது குறித்தும் அதற்காக புதிய வெப்சைட் ஆரம்பித்து நமது எதிரி அமைப்பினரின் குற்றங்களையும் குறைகளையும்
அம்பலப்படுத்துவது குறித்து தலைமையின் ஆலோசனையை கேட்டு ரியாத் மற்றும் தம்மாம் மண்டலத்தின் நிர்வாகிகள் தொடர்பு கொண்டிருந்தார்கள்.

இது குறித்து தலைமைக்கு எந்த ஆட்சேபனையும் இல்லை. ரியாத் மண்டல நிர்வாகிகள் வெப்சைட் விஷயத்தில் அனுபவம்
உள்ளவர்களாக உள்ளதால் அந்த சகோதரர்களுடன் மற்றவர்கள் இணைந்து செயல்படுங்கள். உதவிகள் தேவைப்படின் தலைமையை தொடர்பு கொள்ளவும். மற்ற அமைப்பினரின் குற்றங்களையும்,
குறைகளையும் அம்பலப்படுத்தும் போது தலைமையின் பெயரையோ அல்லது நிர்வாகத்தினரது பெயரையோ உபயோகப்படுத்த வேண்டாம். அதுபோல் எழுதக்கூடிய சகோதரர்கள் யாரும் தமது சொந்த பெயர்களில் எழுத வேண்டாம். பிட் நோட்டீஸ்கள் வெளியிட்டு அவற்றை அனைவருக்கும்
கிடைக்கும் படி செய்யவும்'. - PJ

அன்பிற்கினிய இஸ்லாமிய சொந்தங்களே!

ஓருவரைப் பற்றி அவதூறாக எழுதுவதற்கு, அதுவும் மொட்டை கடிதமாக எழுதி பெட்டைத் தனமாக பலருக்கு அனுப்பி, ஃபித்னா செய்வதற்கு அனுமதி அளித்துள்ள ஒரே தலைவர் கிரிமினல் பிஜே என்பதனை விளங்கிக் கொண்டீர்களா.

அவதூறுக்கு வழங்கப்படும் அனுமதி அவர்களது பார்வையில் ஷரீஅத் தீர்ப்பு.. .. ..???

தனது மனோ இச்சைப்படி உளறுவது, பிதற்றுவது அனைத்துமே ஷரீஅத் சட்டத்திற்கு உட்பட்டது தான் என்ற மாயையை ஏற்படுத்தத்தான், இத்தீர்ப்பை தனது லெட்டர் பேடு இயக்கத்தின் லெட்டர் பேடில் வெளியிடாமல், ஷரீஅத் தீர்ப்பாயம் என்ற லெட்டர் பேடில் வெளியிட்டாரோ? சிந்திக்கும் திறன் படைத்த ஒரு சில தவ்ஹீத் தக்லீத்வாதிகளே! சற்று நிதானமாக சிந்தித்துப் பாருங்கள்.

அவதூறு பரப்பும் அனுமதியை தனது சொந்த கருத்தாக வெளியிடவில்லை. முற்றாக ததஜவின் அதிகாரபூர்வ அமைப்பின் ஷரீஅத் தீர்ப்பாய, கருத்தாக (ஃபத்வாவாக) வெளியிட்டுள்ளார்.


இத்தகைய ஷரீஅத் தீர்ப்பாயம் அவசியமா என சிந்தியுங்கள்.

மார்க்கம் தடைசெய்த ஒரு செயலைச் செய்வதற்கு அதிகாரப்பூர்வ அனுமதியை வழங்க எத்தனிக்கிறார் எனில், இந்த கிரிமினல் பிஜே எந்தளவுக்கு எத்தர் என்பதனை புரிந்து கொள்ளுங்கள்.

ஷரீஅத்துக்கு மாற்றமான செயலை செய்யும்படி தூண்டி தீர்ப்பளித்தால் - அது எப்படி ஷரீஅத் தீர்ப்பாயமாக இருக்க முடியும்?

ஷரீஅத்தை தீர்த்துக்கட்டும் யூத கிருத்துவ பாசிச இந்து வெறியர்களைப் போல இஸ்லாமிய ஷரீஅத்துக்கு மாற்றமான தீர்ப்பு வழங்கும் கிரிமினல் பிஜேவை எப்படி இஸ்லாமிய மார்க்க அறிஞராக ஏற்றுக் கொள்ள முடியும்.. .. .. சிந்திப்பீர்களா???

இதற்கு மேலும் இவரை மார்க்க அறிஞராக ஒப்புக் கொண்டு, இவருடைய கருத்துக்களை ஷரீஅத் தீர்ப்பாக எடுத்துக் கொள்ள தாங்கள் முன்வந்தால்,.. .. .. ..

இந்த எச்சரிக்கையை புறக்கணித்து, இஸ்லாமிய வட்டத்திலிருந்து வெளியேறிக் கொண்டிருக்கும் தங்களை வல்ல இறைவன் மறுமையில் வெறுமனே விட்டுவிடுவான் என எண்ணாதீர்கள்.

மாறாக, இதுவரை, இமாம்களை இழிவுபடுத்தி, உத்தம சத்திய சஹாபாக்களை மரியாதை இல்லாமல் விமர்சித்து, சத்திய சஹாபா பெண்மணிகளின் கண்ணியத்தை களங்கப்படுத்தி இறுதியில் இஸ்லாமிய ஷரீஅத்தையே சந்தி சிரிக்க வைத்த குற்றத்திற்காக, அதற்கு உறுதுணையாக இருந்த குற்றத்திற்காக, இதனை கண்டிக்காமல் மவுனம் காத்து சாட்சிகளாகிப் போன குற்றத்திற்காக - - வல்லோனின் வேதனையை சுவைக்க தயாராக இருங்கள்.

சத்திய இஸ்லாமிய ஷரீஅத்திற்கு களங்கம் ஏற்படாமல் பாதுகாக்க முன்வரும் எம் போன்ற அனைவருக்கும் வல்ல அல்லாஹ் ஈருலக பாக்கியங்களை தந்தருள்வானாக.

வஸ்ஸலாம்

ராவுத்தர் (28.10.2006)

கவுஸ் பாஷா காலில் விழுந்தது சரியா?

எஸ். சலீம்கான், அதிரை

கேள்வி: மதுரை மத்திய தொகுதியில் இடைத்தேர்தலில் வெற்றிபெற்ற திமுக வேட்பாளர் கவுஸ்பாஷா திமுக தலைவரை சந்திக்கும்போது காலில் விழுந்து ஆசி வாங்கியுள்ளாரே..?

பதில்: மார்க்க உணர்வுள்ள ஒரு முஸ்லிம் இதுபோன்ற செயல்களை செய்ய மாட்டார். திமுகவிலேயே இருக்கும் நாகூர் அனீபா போன்றவர்கள் இப்படி யெல்லாம் நடந்து கொண்டதில்லை. அதுபோல் திமுகவில் இருக்கும் வேறுசிலரும் கூட நாம் அறிந்தவரை இப்படி நடந்து கொண்டதில்லை. ஆனால் கவுஸ்பாஷா கருணாநிதி காலில் விழுந்து சமுதாயத்திற்கு இழுக்கு தேடித்தந்துள்ளார். ஜெயலலிதா அனுமதிக்கும் இதுபோன்ற விஷயங்களை திமுக தலைமை அனுமதிக்கக் கூடாது. காரணம், கருணாநிதி போற்றும் பெரியாரின் சுயமரியாதைக்கு இது எதிரானதாகும்.

http://www.tmmkonline.org/tml/others/109594.htm

நன்றி: தமுமுகவின் அதிகாரப்பூர்வ இணையதளம்

ஈகைத் திருநாள் நல்வாழ்த்துக்கள்

உண்ண மறுத்தன வாய்கள்
உறங்க மறந்தன விழிகள்
ஓதிக் கிடந்தது நாவு
உலர்ந்து போயின உதடுகள்

ஈய்ந்து சிவந்தன கைகள்
எரிந்து போயின பாவங்கள்
புதிதாய் பிறந்தோம் ரமளானால்
பூரித்து மகிழ்வோம் இந்நன்னாளில்

அனைவருக்கும் ஈகைத் திருநாள் நல்வாழ்த்துக்கள்

அபூஅப்துல்லாஹ்

(என்றோ எழுதியது.)

உணர்வில் வெளியிட இயலாத நாடும் நடப்பும் - 6

பிஸ்மில்லாஹிர்ரஹ்மானிர்ரஹீம்

அஸ்ஸலாமு அலைக்கும்

வ அலைக்கு முஸ்ஸலாம் வாங்க உமர். எங்க பெருநாளக்கி ஊருக்குப் போயிட்டீங்களோன்னு பார்த்தேன்.

எங்க போறது. தீபாவளி கூட்டத்துல ட்ரெயினுக்கு டிக்கெட்டே கெடக்கலியே.

ஆமா மதுர இடைத்தேர்தல்ல திமுகவுக்கு செம தீபாவளி ஸ்வீட்தான் போல.

ஆமாமா ஆனா என்ன! இது எங்களாலதான்னு புதுவை இட ஒதுக்கீட்டு பரிந்துரை சமயத்துல சொன்னா மாதிரி நம்மாளு ஒண்ணுமே ஏன் சொல்லல.

எப்படிங்க உமர் சொல்ல முடியும். பாண்டி அரசாங்கம் முஸ்லிம்களுக்கான இட ஒதுக்கீட்டுக்கு பரிந்துரைத்த சமயம் நாம் பாண்டி ஏரியாவுல ஒரு பொதுக்கூட்டம் கூட போலட. கும்பகோணத்துலயும் பாண்டி விஷயமா ஒரு தீர்மானம் கூட போடல. ஆனால் ஆசப்பட்டு அதுக்கும் நம்ம கும்பகோணம் பொதுக்கூட்டம் தான் காரணம்னு சொன்னா. . .
அத நம்ம ததஜகாரன் கூட நம்பல. அப்ப வாங்குன சூடு போல. ஆதான் நம்மாளு கம்முனு இருக்காரு.

அதுவுஞ் சரிதான் அஹமது. நீங்க சொன்னப்புறம் தான் கவனிச்சேன். நம்ம பத்திரிக்கய நெட்ல அப்டேட்டே செய்யல. கிட்டத்தட்ட ஒரு மாசமாச்சு. நீங்க தான் விசாரிச்சு சொல்லணும் உமர்.

என்னத்த சொல்றது. வேற செய்தியே இல்லாம தொடர்ந்து தமுமுகவ தாக்கி எளுதுனதுனால சர்க்குலேசன் சறுக்கிக்கிட்டு போயிருச்சு. ஏதோ சுனாமி பேரச் சொல்லி கொஞ்சமா இரண்டு லட்ச ரூபாய ஒதுக்குனதுனால கொஞ்சம் பொழச்சுது. இதுக்கு மேல நெட்டுலயும் ஃபுல்லா போட்டுட்டா அவ்வளவு தான் ஒரு பயலும் நம்மாளுங்க கூட காசு குடுத்து வாங்காம ஓசில நெட்டுலயே படிச்சுடுறாங்கன்னு தான் அப்டேட் பண்ணல.

ஓஹோ அப்புடியா. இந்த களியக்காவெளயில விவாதம் நடத்துன பெறகு எல்லா கூட்டமும் நம்மள எதுக்க ஆரம்புச்சுட்டாங்க. என் மருமகன் துபாய்லருந்து போன் பண்ணுனான். அங்க டிவில ஜமாத்துல் உலமாகாரங்க நம்மாளோட தர்ஜமாவுல உள்ள தப்புகள பயான் பண்றதா சொல்றான்.

ஆமா. அந்த தர்ஜமாவுல தப்பு தப்பா இருக்குன்னு மக்கள் பேச ஆரம்புச்ச உடனேயே டி.ராஜேந்தர கூட்டிக்கிட்டு வந்து வெள்ளி மேடைல பாட்டு பாட வச்சு தர்ஜமாவுக்கு விளம்பரம் குடுக்க நெனச்சாரு. அதுவும் ஃப்ளாப் ஆயிருச்சு. அதே மாதிரி களியக்காவெள சிடி விக்கிறதுக்காக சம்பந்தமில்லாத காத்தான்குடி ஜமாஅத் அறிக்கய இலங்கை ஜமாஅத் அறிக்க மாதிரி பில்ட்அப் பண்ணுனாரு.

என்ன இப்புடி சொல்றீங்க உமர். நீங்க கூட அத சப்போர்ட் பண்ணி மெயில் அனுப்புச்சீங்களே.

என்ன பண்றது அஹமது உரலுக்குள்ள தலய உட்டாச்சு அப்புறம் ஒலக்கைக்கு பயந்தா முடியுமா. அதுதான் என்னத்தயாவது ஒளறி கொட்டி கிளறி மூடிக்கிட்டு இருக்கோம்.

ஆமாமா. அதுவுஞ் சரிதான். ஆனா எதுக்கு அண்ணன் இப்புடி தப்பும் தவறுமாக தர்ஜமா எழுதுனாரு.

அஹமது ! இவரு என்னமோ இதுவரைக்கும் எளுதுன புஸ்த்தகங்க மாதிரி இத எழுதிப்புட்டாரு. மத்த ஆலிம்கள்ட்ட காட்டவும் பயம். ஏவனாவது அதுல தப்பு சொல்லிட்டா ரிலீஸ் பண்ண முடியாதுன்னு யார்ட்டயும் காட்டாம அவசர அவசரமாக ரிலீஸ் பண்ணிட்டாரு. அதுல நல்ல லாபமும் வந்துருச்சு. கூடவே தர்ஜமாவுல உள்ள தப்பும் வெளிய தெரிஞ்சுருச்சு. வெளிய சொன்னா வெக்கக்கேடு. ஓரு ஆயத்தையே இடம் மாத்தி அச்சடிச்சுருந்தாரு. துமுமுக காரன் தான் சொல்லி, அப்புறம் ஸ்டிக்கர் அடிச்சு மிச்சத்துல ஒட்டுனாரு.

ஓஹோ. அப்புடியா கத. அதுனால தான் அவசர அவசரமா தமுமுகவுல இருந்தா இனி மதிப்பில்லன்னு ஓடி வந்தாரோ.

'ஆமா. ஆனா, வேற எதச் சொன்னாலும் நம்மளோட எவனும் வரமாட்டான். தவ்ஹீதுன்னு சொன்னாத்தான் ஒரு கூட்டம் ஓடியாரும்னு தவ்ஹீத சொன்னாரு. அத நம்பி வந்தவன் தலயில தர்ஜமாவ கட்டி மறுபதிப்பு போட்டு நல்லா காசு பாத்தாரு. அதும் பத்தாதுன்னு மார்க்கமே தெரியாத ஐரோப்பா மக்கள்ட்டயும் வித்து ஒரு தொகய தேத்திட்டாரு. இப்ப துபாய்ல இந்த தர்ஜமாவ விமர்சிச்சு ஒண்ணும் ஆகப் போறதில்லை. அங்கய்லாம் சேல்ஸ் அமோகமா நடத்தியாச்சு.

அதுசரி. இப்போ டிவில அதப்பத்தி பேசுறதுனால அண்ணனுக்கு எந்த நஷ்டமும் இல்ல. அத வாங்குன நம்மள மாதிரி ஏமாளிகளுக்குத் தான் நஷ்ட்டம். அப்புடியா.

ஆமா. இதுக்குமெலயும் விவரமா சொல்லனுமாக்கும்.

சரி உமர் பாய். இப்புடிலாம் அவரோட சேர்ந்து நாம ஏமாத்துனா அல்லாஹ் நம்மள நரகத்துல போட்டுற மாட்டானா.

என்ன அஹமது. உங்களுக்குத் தெரியாதா. அண்ணன் சொல்லிட்டாரு. சொர்க்கம் நரகம்லாம் இதுவர உண்டாக்கப்படவே இல்லியாம். அதெல்லாம் இனி இந்த பூமிலதான் உண்டாக்கப்படுமாம். ஆதனால ஏன் கெடந்து பயந்து சாவுறீங்க.

உமர். எனக்கு இப்பத்தாங்க உண்மையிலேயே பயமா இருக்கு. வணக்க வழிபாடுகள்ள அது இல்ல, இது இல்லன்னு சொன்னவரு அடுத்ததா ஜகாத் கடமையவே இல்லன்னு சொன்னாரு. இப்போ என்னடான்னா ஈமான்லே ஒரு பகுதிக்கே வேட்டு வக்கிறாருங்க எனக்கு பயமா இருக்கு. என்னய உட்டுடுங்க. நான் போயி ரமளான் முடியிறதுக்குள்ள பாவமன்னிப்பு கேக்கணும். நான் வர்றேன். வஸ்ஸலாம்.

முல்லா 19.10.2006

தம்மாம் நகரில் பெருநாள் சந்திப்பு

உணர்வில் வெளியிட இயலாத நாடும் நடப்பும் -5

பிஸ்மில்லாஹிர்ரஹ்மானிர்ரஹீம்

அஸ்ஸலாமு அலைக்கும்

வஅலைக்கு முஸ்ஸலாம். வாங்க உமர் பாய். இப்பத்தான் ஒங்கல நெனச்சேன். புதுசா ஒரு மெயில் அனுப்புச்சிருந்தீங்க போல...

ஆமா அஹமது பாய். என்ன செய்யுறது. நாம மாட்டிக்கிறா மாதிரி இருந்தா உடனே இஸ்லாமிய போர்வைய போத்துனாதானே தப்பிக்க முடியும். அதுனால தான் 'நான் நோன்பாளி நான் நோன்பாளி' ன்னு மெயில் அனுப்புச்சுட்டேன்.

அதுசரி. அப்பத்தானே நாம அடிபடாம தப்பிச்சுக்க முடியும். ஆனா உமர் பாய், இப்போ ரமளான் மாசத்த காரணம் காட்ற நாம, இதுக்கு முன்னால இதே ரமளான்ல என்ன செஞ்சோம்னு நெனச்சா மனசுக்கு கஸ்ட்டமா இருக்கு.

வீடியோவ தூக்கிக்கிட்டு ஊர் ஊராக ஓடிப்போயி ஜாக் மவ்லவிகளப் பத்தி அசிங்கமா பேசி பதிவு பண்ணுனமே அத நெனச்சீங்களா. என்ன செய்யுறது. அல்லாஹ்வோட கட்டளய விட அண்ணனோட கட்டள தானே நமக்குப் பெரிசு. அதுனால தான் ரமளான்ல ஓதி தொழுது துஆக் கேக்குறத விட்டுட்டு அவதூறு பிரச்சாரம் பண்ணுனோம்.

ஆமா, மதுரை இடைத்தேர்தல் அப்புறம் உள்ளாட்சி தேர்தல்களப்பத்தி ஓண்ணுமே மூச்சுவுடாம இருக்குற மாதிரி இருக்கு...

என்ன செய்யுறது. திமுகவ ஆதரிக்கனும்னு வாய் வழிச் செய்தியாத்தானே நமக்கு தகவல் வந்துச்சு அப்ப எப்டி பிரச்சாரத்துல எறங்க முடியும். தவிரவும் இது என்ன நாம அம்மாவோட போட்டுக்கிட்ட ஹுதைபியா உடன்படிக்கை மாதிரியா. இப்ப வேற வழியில்ல. இப்பவும் அம்மா பின்னால போனா நம்ம ஆளுங்களே மூஞ்சில காறி துப்பிடுவானுக. அதனால திமுக ஆதரவுன்னு தகவல் அனுப்சிருக்கோம். எலக்ஷன் முடிஞ்சு நம்ம மேல சுனாமி அது இதுன்னுட்டு கைய வச்சா உடனே மறுபடியும் அம்மாவோட சேர்ந்து அரச எதித்து போராடுவோம்.

ஆமா. இது நமக்கு பளக்கமான ஒண்ணு தானே. நமக்கு எதிரா யாராவது இருந்தா உடனே அவுங்கள இஸ்லாத்துக்கு (அ) தவ்ஹீதுக்கு எதிரானவுங்கன்னு பட்டம் கட்டி கிளிச்சு தொங்க வுட்டுட மாட்டமா.

மேலப்பாளயம் பள்ளிக்கு வக்ஃப் நோட்டீஸ ஒட்ட வந்தவங்களயே ஆர்எஸ்எஸ் காரன்னு கூசாம கத கட்டி வுடலயா. நமக்கு இதெல்லாம் சகஜம் தானே.

அதுசரி, கடையநல்லூர் பள்ளி இப்போ ஜாக் கட்டுப்பாட்டுக்குப் போயிருச்சாமே.

ஆமா அஹமது. என்ன பண்றதுன்னு தெரியாமத் தான் நம்மாளு முளிச்சிக்கிட்டு இருக்காரு. ஏதோ அம்மாவோட ஆசி இருந்ததுனால அமைச்சர வச்சு மெரட்டி பூட்டுனோம். இந்த தமுமுககாரன் பள்ளிய மறுபடியும் தெறக்க வச்சதோட இல்லாம அத ஜாக்குக்கு கிடைக்கவும் ஏற்பாடு செஞ்சுட்டான்.

சரி சரி. நம்ம ஸைட்டு ஏன் பத்து நாளக்கி ஒரு வாட்டி அப்டேட் பண்றாங்க.

உடனே, உடனே அப்டேட் பண்றதுக்கு இப்போ என்னா குலுங்கும் கும்பகோண மேளாவா நடக்குது. ஏன் அஹமது? இப்போ தமுமுக காரனும் மத்த முஸ்லீம்களும் எக்கு தப்பா கேள்வி கேக்குறத சமாளிக்க முடியாம நோம்ப காரணமா வச்சு முன்னாலயும், பின்னாலயும் மூடிக்கிட்டு இருக்குறத வுட்டுட்டு என்னத்தயாவது சொல்லி (அ) எழுதி வம்புல மாட்டிக்கணும்னு நெனக்கிறீங்களா.

அது தான் நோம்ப காரணமாகச் சொல்லி ஆஃப் பண்ணிட்டோம்ல. ஆனா இந்த ரய்சுதீன் மாத்திரம் நம்ம மவுலவிகளயும் நிர்வாகிகளையும் குறி வச்சு எழுதிக்கிட்டே இருக்காரே.

அது தான் அஹமது பாய் எனக்கு ரொம்ப கவலயா இருக்கு. ஏதோ பாக்கர் பேசுற பெச்ச வச்சுக்குட்டு கொற கண்டுபுடுச்சாருன்னு பாத்தா போகப் போக பேச்ச கொற சொல்றத வுட்டுட்டு ஆளயே கொற கண்டுபுடிக்க ஆரம்புச்சுட்டாரே.

ஆமாங்க. போற போக்கப்பார்த்தா இந்த ரயீசுத்தின், துபாய்காரர மிஞ்சிருவார் போல இருக்கு. இவரு எழுதுற வேகத்தப் பாத்து, நம்ம முன்னால் தலைவரு, இன்னாள் தலைவரு எல்லாம் பேயறஞ்ச மாதிரி இருக்காங்க.

அவங்களப்பத்தி எழுதப் போறதா எதுவும் சொல்லலையே. அப்துர்ரஹ்மான் ஃபிர்தவ்ஸிக்குப் பெறகு, கோவை ஜாபர்ரப்பத்தி தானே எழுதப் போறதா சொல்லியிருக்காரு. நீங்க ஏன் அஹமது வீணா பயப்படுறீங்க.

சரி உமர் பாய். பாக்கர் விஷயத்துக்கு விவாதத்த சென்னையில வச்சுக்கிருவோமா முகவைல வச்சுக்கிருவோமான்னு வீரமா கேட்டீங்களே. இப்போ மட்டும் ஏன் அமைதியாகிட்டீங்க.

அதுக்கே அந்த ரய்சுதீன் ஓடி வந்துட்ட மாதிரி தெரிஞ்சுது. ஏன் வம்புன்னு தான் அமைதியாகிட்டேன், என்ன பண்றது அஹமது. பாக்கர் உம்மஹாத்துல் முஃமீன்களை கண்ணியகுறவா பேசியது உண்மைதான் ஆனா அத ஒப்புக் கொள்ள முடியாதே. அதே மாதிரித்தான் அப்துர்ரஹ்மான் ஃபிர்தவ்ஸி விவகாரமும். எல்லாம் உண்மைதான். ஆனா இத ஒத்துக்கிட்டா நம்மள எவனாவது தவ்ஹீத்வாதின்னு ஒத்துக்குவானா. அதனால தான் விஷயத்தை வுட்டுட்டு அதச் சொல்றவுங்கள பைத்தியகாரன் கோமாளின்னு பட்டம் கட்டிக்கிட்டு இருக்கோம்.

பாத்துங்க உமர். இப்புடியே போனா எல்லோரும் நம்மளத்தான் பைத்தியக்காரன் கோமாளின்னு துரத்த ஆரம்புச்சிருவாங்க. சரி. சரி நோம்பு தொறக்குற நேரமாச்சு நான் வர்றேன்.

வஸ்ஸலாம்

முல்லா 08.10.2006

இஸ்லாமிய கருத்தரங்கம் அல்கோபார்

உணர்வில் வெளியிட இயலாத நாடும் நடப்பும் -4

பிஸ்மில்லாஹிர்ரஹ்மானிர்ரஹீம்

அஸ்ஸலாமு அலைக்கும் (வரஹ்...)

வஅலைக்கு முஸ்ஸலாம். அடேடே வாங்க உமர் பாய். என்ன கோவமா இருக்குறாப்ல இருக்கு.

பின்ன என்னங்க அஹமது? போன தடவ சந்திச்சப்ப நான் பாட்டுக்கு பேசிக்கிட்டு இருக்கும் போதே நீங்க ஒடிட்டீங்களே. அப்ப எனக்கு கோவம் வராதா?

அது தானா விஷயம். நீங்க பாக்கர் விஷயமாக பேசுனீங்களா. அதுவும் குறிப்பா அவரு ஆட்ட கடிச்சு மாட்ட கடிச்சு மனுசன கடிச்ச கதயா, ஒரு தலைவர தே...ம....ன்னு திட்டி, ஒரு மவுலவிய பேட்டை ரவுடி ஸ்டைல எடுத்தெறிஞ்சு பேசி இப்போ உம்மஹாத்துல் முஃமினீன்கள கேவலமாக, கண்ணியக் கொறவா பேசயிருக்காருன்னதும் எனக்கு ரொம்ப சங்கடமாப் போச்சு. அதனால தான் ஓடிட்டேன்.

சரியாப் போச்சு போங்க! இப்புடியே எல்லோரும் ஓடிட்டீங்கன்னா, நான் மட்டும் என்ன செய்யுறது. ஆரம்பத்துல ஆதத்துல ஆரம்பிச்சு, ஆதம், அப்துர் ரஹ்மான், அப்துல்லா, அபூஆஃபியா, பத்ரு மைந்தன், ஜமீல், ஜுனியர் தம்பி, மூத்தவன்னு எத்தன பேர்ல எழுதிக்கிட்டிருந்தோம். கழுத தேஞ்சு கட்டெறும்பான மாதிரி கடைசில, நீங்க, நான், தீன் முஹம்மது மட்டும் களத்துல நின்னோம். அதுலயும், நம்ம பாக்கர் ஜெத்தாவுல கலந்துகிட்ட கூட்டத்த தீன் முஹம்மது உண்மையையும், தன்னோட கற்பனையையும் கலந்து அடிச்சு வுட்டத, தமுமுக காரன் புடிச்சு நாற அடிச்சதுனால தம்பி தீன் முஹம்மது ஓடிப் போயிட்டாரு. இந்த இலட்சணத்துல நீங்களும் தலமறவாகிப் போயிட்டீங்க. இப்போ நா மட்டும் தான் முழிச்சுக்கிட்டு நிக்கிறேன்.

ஓஹோ அதுனால தான் வெளிச்சம் ப்ளாக்ஸ்பாட்டும் 15 நாளா இருண்டு போயி கிடக்கோ.

ஆமா. என்ன பண்ணச் சொல்றீங்க. பாக்கர் பேசுனத சப்போர்ட் பண்ணி ஒரு போஸ்ட் போட்டதுக்கே ஆளாளுக்கு புடிச்சு உலுக்குறானுக. அம்மாவ (ஜெஜெவை) கௌவின்னு சொல்லு பாப்போம், அண்ணன் பிஜேவை கௌவன்னு சொல்லு பாப்போம்ன்னு போட்டு சதாய்கிறாங்க, இந்த லட்சணத்துல என்னத்த எழுதுறது.

ஏன் உமர் பாய் அலுத்துக்கிறீங்க. வழம போல அண்ணன்ட்ட கேட்டு எழுதி வாங்கிறது தானே. அடப்போங்க அஹமது பாய். அவருக்கு இதுக்கெல்லாம் இப்போ எங்க நேரம் இருக்கப் போவுது. சீசன் வந்துருச்சு, ஒரு தொகை பாக்க வேணாமா. ஜெயா டிவி, டான் டிவின்னு பயான் பண்ணி ஒரு தொகைய தேத்தணும், அதுக்கு வீடியோ பண்றதுக்கு மூன் மீடியா கிரியேஷனுக்கு ஒரு வருமானத்தை பாக்கணும். அப்புறம் இந்த பயான்களோட சிடி சேல்ஸ்ன்னு ஏகப்பட்ட பிஸி. மாத்திரம் அல்லாமல் சுனாமில சுருட்டுன மாதிரி இந்த வருஷ ஃபித்ராவுல எவ்வளவு ஒதுக்கலாம்னு யோசிக்க வேணாமா.

என்ன? உமர் பாய் நெசமாத்தான் சொல்றீங்களா. நம்ம டிஎன்டிஜே தலம சுனாமி பேர்ல சுருட்டுனது உண்மைதானுங்களா?

அட என்ன அஹமது நீங்களும் விவரம் புரியாமத்தான் இருக்கீங்களா? சுனாமி கணக்க வெளியிட்ட சமயத்துலேயே ஒங்களுக்கு புரியலயா. சுனாமிக்குன்னு நம்மள்ட்ட என்ன தனி கணக்கா இருந்துச்சு. என்னவோ கொஞ்சம் செட்டப் பண்ணி நெசம் மாதிரி காட்றதுக்காக செலவு கணக்க கூட எழுதி ஒரு வழியா நம்மாளுங்கள மாத்திரம் கூட்டு வச்சுத்தான் அந்த கணக்க ஒப்படச்சோம். இதுலயிருந்தே அந்த கணக்குல தில்லுமுல்லு இருக்குன்னு ஒங்களுக்கு தெரியாதாக்கும்.

அட, ஆமாங்க, நாம சாதாரணமா ஆட்டோவுல போனாலே ரவுண்டு பிகராத்தான் வாங்குவாங்க. நம்மாளுங்க என்னடான்னா ரொம்ப சுத்தம் மாதிரி உடான்ஸ் வுடுறதுக்காக ஆட்டோ செலவு 97 ரூபாய் போட்டிருந்ததப் பாத்து நானே சிரிச்சுக்கிட்டேன். சரிதான். அப்போ இந்த செட்அப் கணக்கு வெளிய தெரிஞ்சா நாறிப் போயிடுமே.

அதுதான் அஹமது எனக்கும் கவலயா இருக்கு. இந்த சென்ட்ரல் கவர்மெண்ட் வேற உள்துறை செயலாளர் மிஸ்ரா மூலமா ஒரு எச்சரிக்கை வுட்டுருக்கு. அதாவது வெளிநாட்டில் இருந்து சுனாமி நிவாரணத்துக்காக பெற்ற நன்கொடையை தவறாக பயன் படுத்திய தன்னார்வ தொண்டு நிறுவனங்கள் மீது நடவடிக்கை எடுக்கப்படும்னு அறிவிச்சுருக்காங்க. இப்போ நம்ம தலவரு என்ன பண்ணப்போறாரோ பாவம்.

ஹ்ஹா....ஹா. அதுதானா சங்கதி. திடீர்னு அண்ணன் திமுக பக்கம் அதுனால தான் சாஞ்சுட்டாரோ. இனி எப்புடியாச்சும் கலஞரோட நெருங்கி இந்த விசயத்த ஆஃப் பண்ணச் சொல்லிடுவாரு. பயப்படத் தேவையில்ல.

அதெல்லாம் சரிதான். ஆனா இப்போ நாம எப்புடி மக்கள் மத்தியில தல காட்றது.

கவலப்படாதீங்க உமர். இன்னம் 10, 15 நாள்ள எலக்ஷனும் முடிஞ்சுரும், நோன்பும் முடுஞ்சுரும். அப்புறமா அண்ணனுக்கு வேற வேல இல்ல. அதுனால எதாவது புது பரபரப்ப உண்டாக்கி எழுதித் தள்ளிருவோம்.

ஆமா. அதுவுஞ்சரி தான். அப்ப நான் வர்றேன். வஸ்ஸலாம்.

முல்லா 02.10.2006

ததஜ திமுகவை ஆதரிப்பதன் மர்மம்

பிஸ்மில்லாஹிர்ரஹ்மானிர்ரஹீம்

அஸ்ஸலாமு அலைக்கும் வரஹ்.. .

மீண்டும் ஒரு தேர்தல் களத்தை தமிழ்நாடு சந்திக்கிறது.

என்றாலும் இம்முறை மீண்டும் சில அணி மாற்றங்களோடு.

குறிப்பாக, தவ்ஹீத் வியாபாரி தனது நிலையை இத்தேர்தலில் மாற்றிக் கொண்டுள்ளார்.

அவரது தாரக மந்திரம் : ஒரு பொருளுக்கு ஒரு விலை.

ஆக பெற்ற தொகைக்காக, சட்டமன்ற தேர்தலில் அம்மாவை ஆதரித்தார்.

இப்பொழுது .. .. ..என்ன பெற்றுக்கொண்டு இந்நிலை எடுத்தார்.. ?

ஏனெனில் காசு பார்க்காமல், ஆதாயமில்லாமல், சமுதாயப்பணி கூட செய்வதில்லை என்பது அவரது வாக்குமூலம்.

சுனாமியின் பெயரைச் சொல்லி, பினாமியாக வசூலித்து, சுருட்டியது போக கள்ளக்கணக்கு எழுதி கணக்கு காட்டிய போதே, தான் நடத்தும் பத்திரிக்கையின் நஷ்டத்திற்கு, தனது தொண்டர்களின் (குண்டர்களின்) சீருடைக்கு என ஒரு தொகை (சுமார் 3 லட்சம் ரூபாய்) அபேஸ் பண்ணியதை ஒப்புக் கொண்டவர்.

அப்படிப்பட்ட பெருமைக்குரிய புண்ணியவான் (?) இப்பொழுது இடம் மாறி திமுகவை ஆதரிப்பதன் மர்மம் என்ன?

திருமாவளவன் அணி மாறியதைக் குறித்து அதிகாரபூர்வ அறிவிப்பு வெளியாகி விட்டது. ஆனால் இன்று வரை அண்ணன் அணி மாறியதற்கான அறிவிப்பு வெளியாகவில்லையே ஏன்?

பெட்டி கொடுத்தவர்கள் ஆட்டோ அனுப்புவார்களோ என்ற பயமாக கூட இருக்கலாம்.

அதனால், வாய்வழிச் செய்தியாக தனது அடிவருடிகளுக்கு திமுகவை ஆதரிக்க ஆணையிட்டுள்ளார் என அறிகிறோம்.

இதன் பின்னணியை ஆராய்ந்த போது தான் நமக்கு இந்த தவ்ஹீத் வியாபாரியின் இரட்டை வேடம் புலப்படுகிறது.

அதாவது, கடந்த 2004இல் சுனாமி பேரழிவை காரணம் காட்டி வசூலித்த 86 இயக்கங்களைப் பற்றிய விபரங்களை மத்திய அரசு சேகரித்து அவற்றின் கணக்கு வழக்குகளை ஆராய கமிட்டி அமைத்துள்ளது.

சுனாமிக்கென்று தனி வங்கி கணக்கு இல்லாமல், தனது இயக்கத்திற்கான ஒரே கணக்கில் வந்து கொட்டிய சுனாமி நிதியைக் கூட இயக்கத்திற்கான நன்கொடை என ஒதுக்கும் வசதி கொண்ட ஒரே வங்கி கணக்கில் பெற்றுக் கொண்டது குறித்து விசாரித்தால் நாறிப் போகுமே என்ற அச்சத்தில் தான் சப்தமில்லாமல் தனது ஆதரவை திமுக பக்கம் திருப்பச் சொல்லி உள்ளார்.

பின்னர் நாங்கள் ஆதரித்ததால் தான் திமுக வேட்பாளர் ஜெயித்தார் என அறிக்கை விட்டு அதை வைத்து விசாரணை வழக்குகளிலிருந்து தப்பிக்க திட்டமிட்டுள்ளார்.

சமுதாய சொந்தங்களே! சுனாமியில் கொள்ளையடித்த இந்த தவ்ஹீத் வியாபாரியின் முகமூடி கிழியும் நாளை எதிர்பாருங்கள்.

வஸ்ஸலாம்

ராவுத்தர் 01.10.2006